Достар, біз апта басындағы маңызды жаңалықтарымыздың бірімен бөлісуді ұмытып кетіппіз.
23 - қазан күні Қазақстан КВН одағы РЖҚБ мен Астана қаласы әкімдігінің қолдауымен мектеп оқушылары арасында өткен "Бала Жайдарман" ойынында мектебіміздің 8 "А" сынып оқушылары өнер көрсетті. Математика пәнінің мұғалімі Береке Алтынбекұлы жетекшілік еткен "Жасын" тобы қаламыздағы он мектептің топтарымен сайысқа түсті. "Жасын" тобының тапқырлықпен көрсетілген әрбір әзіліне көрерменнің қошеметі керемет болды. Көрермен ретінде келген мектебіміздің қазақ сыныптарының оқушылары да өздерінің қолдауын білдірді. Жайдарман ойынында "Жасын" тобына алғыс хат беріліп, бағалы сыйлықпен марапатталды.
Алдағы уақытта "Жасын" тобына жарқын жеңістер мен белестерді бағындыруды тілейміз.
