«Адал азамат» біртұтас тәрбие бағдарламасы аясында 1 наурыз – Алғыс айту күніне орай мектепте сынып сағаттары өткізілді.
Сынып сағаттарының мақсаты – оқушылардың бойында ризашылық, құрмет, мейірімділік пен сыйластық құндылықтарын қалыптастыру, үлкенге – құрмет, кішіге – ізет көрсетуге тәрбиелеу.
Іс-шара барысында оқушылар бір-біріне, ата-аналарына, ұстаздарына және Отанға деген алғыстарын білдіріп, жылы лебіздерін айтты. Кейбір сыныптарда «Алғыс ағашы» ұйымдастырылып, оқушылар жүрекжарды тілектерін жазды. Сонымен қатар, тақырыпқа сай бейнероликтер көрсетіліп, пікір алмасу ұйымдастырылды.
Сынып сағаттары оқушылардың рухани-адамгершілік тәрбиесін нығайтып, ризашылық білдіру мәдениетін арттыруға ықпал етті.